我們這一家

2012年11月14日星期三

傻大齊與傻大媽 2

媽媽，永不會生齊齊的氣，就算有時齊齊無理取鬧大發脾氣，媽媽也十分體諒細佬，覺得細佬想不開才會如此，所以就會用專門的方法去對付齊齊！

事例一、
很久以前，已經忘了有沒有在blog裡寫，我罵齊齊很煩，齊齊很生氣，說：『家姐無乜話我煩呀！』媽媽說：『係囉，你做乜話齊齊煩呀，佢又唔係啊凡達！』齊齊馬上破涕為笑。

事例二、有一天，細佬爭不到推椅子，就發脾氣了，哭得可憐，又破口大罵說不讓我們全部人回家
媽媽說：『我無曳喎，你乜嬲我呀？』
齊齊說：『你頭先跟我講野！』
媽媽說：『我想確認一下邊個返唔到屋企之麻！』
齊齊說：『好，我俾你返屋企！』
媽媽說：『好野~』

不一會，媽媽說：『但係呢，我唔識煮飯架喎，唔俾sa姐姐返屋企，就無人煮飯架啦！』
齊齊說：『sa姐姐煮飯好香架！…好啦，原諒sa姐姐同埋家姐啦！』

又過一會，媽媽說：『我呢…好似唔記得帶鎖匙，如果唔原諒爸爸，我地會返唔到屋企架！』
這樣，齊齊原諒了我們一家。

事例三、齊齊又無端端發脾氣，媽媽說齊齊的臉很細
齊齊說：『你做咩話我塊面細呀！』
媽媽說：『對唔住，咁以後應該話你塊面咩呀？』
齊齊說：『係大！』
媽媽問：『咁眼仔呢？』
齊齊說：『係大！』
媽媽問：『pat pat呢？』
齊齊開始想笑：『係大！』
媽媽問：『胸部呢？』
齊齊笑了：『我都無！』

究竟是媽媽治到齊齊，還是齊齊治到媽媽？