我要做好呢份工

講到上個星期六由特首先生講述十大基建的management forum，其實我真的得到一點鼓勵，因為特首先生如此說：『今日好高興，可以同大家見面，尤其係後生一輩，早前我地經歷過好艱難的時候，果時唔單只係civi engineering，各行各業都好艱難，但係唔緊要，我地都一一克服o左，而家，就等我地共同努力，一齊建設好香港。』(憑記憶的大概意思)

返到公司，再次講到這個forum，同事問：『咁搞呢個forum黎做乜呀？』我說：『係特首想藉呢個機會見一見我地，鼓勵我地一番囉！』同事聽完我說的話，說：『唔怪得之今次要請班後生架啦』，然後再說：『你做多十年八年，你就會無晒工作熱誠架啦』。

跟住同CE Site visit，CE又問我：『你係個forum到有無得到鼓舞呀？』，我答：『我真係有架』，CE說：『咁就好啦，早十年的光景，真係令到我地個個都做到無晒心機，難得你咁有熱誠，以後就靠晒你啦。』

其實，我並不覺得自己會是一位很出色的engineer，入政府當然也是貪高薪和穩定，但是，在我心裡，的確還有對工作的熱誠，因為我覺得沒有工作熱誠，工作會加倍辛苦。以前在私人公司裡工作，上司都看得出我對工作是有熱誠的，但可惜到最後，他們都沒有給我機會。希望這一份，我真的可以好好發揮。

跟同事講到interview，原來她問了panel用什麼criteria來請人，panel回答：『我們在請人方面是很有經驗的，相信只要在20分鐘的interview裡就可以看到那個人的7成功力』。於是一直認為這次入政府只是好運的我心裡想：『那些人都信你是"得"，沒理由自己少看自己，把自己看成"唔得"的』。

所以，我要做好呢份工，我要給以前少看過我的人跌眼鏡。