麻煩外國人

我對於那一次跟媽媽返工碰上外國人印象很深刻，常常都會提起，說要跟媽媽返工，媽媽藉此教我要學好英文，才可以跟媽媽一起工作的。

媽媽教我英文字母，我又忘記了…

媽媽說：『你咁渣抖，成日都唔識講英文，咁點跟媽媽返工呀？』

我說：『但係d外國人好鐘意我架喎~』

媽媽說：『"好鐘意你"英文點講呀？』

我說：『…』

媽媽說：『咁即係唔係好鐘意你~』

後來，有一次，我問媽媽…

我說：『媽媽，你公司d外國人係咪好鐘意你架~』

媽媽說：『唔係架，佢地好煩架』

我說：『點樣好煩呀？』

媽媽說：『佢成日話條單車徑擺係呢到擺係果到，又唔明白果到無位架麻，又會破壞d樹林喎~』

自此，我間中會說：『d外國人話單車徑擺係果到，果到有樹樹架麻~』

嘩﹗津津開始關心媽媽工作了，叻叻！