懶爸媽，好孩子

媽媽看過專欄，說懶的爸媽不一定教不出好的子女，要懶得其所。其實所謂的“懶”，非真的“懶”，而是讓子女有自由發揮，有自己的空間，不會過於管束，我媽媽o麻，就是個懶媽媽，最後有這樣的發現。

媽媽還未開始教細佬認顏色，但是細佬常常問媽媽拿顏色筆在紙上畫畫畫，久而久之，細佬認得顏色。

細佬要看卡通片，媽媽叫細佬自己搞掂，細佬便學會自己用影碟機，告訴大家一個秘密，媽媽其實不懂用影碟機的呢！

我呢，每天都自己在學校裡做完功課，回家媽媽不理我的時候我會自己畫畫造小手工，有時還會偷偷給媽媽驚喜。媽媽工作時翻開記事簿，看到我給媽媽貼上的人型公仔。

我媽媽雖然懶，但是懶不了的時候，媽媽還是會“的”起心肝為我們做事。

我看卡通片，有很多問題問媽媽，點解安仔要將玩具送給別人，點解卡叔唔開心…媽媽盡量答之餘，還發掘一起話題，給我說一些道理。

除了看卡通片，我平日也有很多問題問媽媽

媽媽說：『你著返件衫，如果唔係第時會哮喘！』

我問：『咩叫哮喘？』

媽媽：『個喉嚨好敏感，敏感到縮埋，抖唔到氣，死o左！』

我問：『咁嫲嫲又點死架？』

媽媽：『嫲嫲係中風，d血管爆o左，就暈低o左！』

我問：『咁暈低o左就死架o拿？』

媽媽：『暈低o左，個人就無晒扺抗力，周圍d細菌就會侵襲我地，嫲嫲最後係肺炎死！』

 

看到電視有一個人浸死

我又問：『媽媽，浸死果d人係咪無得上天堂架？』(媽媽懷疑因為是死o左水裡，津津就以為無得上天堂)

媽媽說：『唔係，只要做信耶穌，就有得上天堂架啦！』