上學了

今天，媽媽讓我上學了！

起初我有點擔心，除了因為我受傷，還因為我的新班主任，我早前聽過他罵一個哥哥，很惡的，所以我有點怕！但是媽媽為著我，也鼓起勇氣駕駛送我和細佬返工，對媽媽來說，實在是個大挑戰呢！我和細佬不停疑慮著媽媽，細佬說：『媽媽，你會唔會撞車車架？』我說：『媽媽，乜學過渣車車未架？』在很多疑惑中，最終，媽媽用行動證明了，安全送了我和細佬返學，我給媽媽一個 "手掌"，媽媽，我和你都要加加油！

媽媽接了我放學，老師說我今天沒有做大肌肉訓練，說我適應方面沒有問題，午睡很快睡著，書記姐姐也跟媽媽談上幾句，說我把出事的情況一五一十告訴了大家，她們聽了也覺得心痛。

回家時，我有很多在學校發生的事跟媽媽交流：

1. 媽媽看到我紥了不同的辮子，我說是張老師紥的，媽媽又問：『那麼多同學仔，老師會否忙於紥辮？』我說：『唔會，都唔係好多同學要紥辮之麻！』

2. 我說：『之前我見到張老師鬧果個哥哥，原來佢真係好曳架，又唔記得帶功課，又唔記得帶手冊，連體溫簿都無寫體溫，成個書包係空架！所以張老師先咁惡鬧佢之麻！』

3. 我說：『今日有個同學賴屎呀，張老師話好臭呀，因為同學佢肚痛呀，忍唔到呀，臭到隔離班都好聞到呀！』

4. 我說：『原來細佬另一邊到上堂架』

5. 我說：『我同張老師講我會開get-well party，張老師問會唔會請埋佢呀？』

6. 我說：『媽媽，你記唔記得生完bb果個林老師呀，佢又有咗bb呀！』

7. 我說：『我同張老師講我地整咗個燈籠叫黑暗之光，不過輸咗，老師話佢以前都成日輸架！』

8. 媽媽問：『同學仔見到你隻腳包住，有無好好奇咁走黎睇呀？』我說：『無呀，不過佢地問我好返未呀，咁囉！』

9. 媽媽問：『今日同學仔做大肌肉訓練果時，你無得做坐埋一邊做乜呀？』我說：『張老師張成班一齊轉晒呀，一齊唔做大肌肉訓練，玩下遊戲，我都玩咗一陣，跟住張老師驚我大動作就叫我停啦！』

我的同學仔真的有情有義，你看，我返學一天真那麼開心了！

 

看看我和細佬穿上同款的校服多有型！

運動裝也不錯的啊！

穿上校服才知，我高了很多，校裙變成迷李裙了！