泥膠

除畫畫以外，我和細佬最喜歡是玩泥膠，不過我們 "無手尾"，常常把泥膠混成污濁色，有時因沒有收捨好而等到泥膠硬了，好在婆婆最近又在我請求下買我一盒新的，還有更多的小工具，好玩極了！

每天做完功課，我就是和細佬一起玩，一起弄些食物給媽媽，原本我和細佬玩，應該是媽媽坐下來看看電視休息的好機會，可是，我總是纏著媽媽：『媽媽，你要咩，要a餐定係b餐？』媽媽：『b餐』我：『b餐隻蛋係要烚定係煎？』媽媽：『烚啦！』我：『 使唔使加飲品？』媽媽：『唔使啦！』我：『加飲品個餐賣五蚊，唔要飲品個餐要500蚊！』媽媽心想：『咁都得？根本就無得揀，一定要飲品！』媽媽：『咁要啦！檸檬水！』我：『使唔使架冰？』…總之就是沒完沒了的問題，靜下來休息看電視，媽媽，你休想！

新開盒那天有黃色、紅色、藍色和綠色，你們的作品，要用相機拍下來，因為一星期後，泥膠就只剩下灰色和啡色了！


'