勝教育

最近，媽媽有兩次的x教育，幾乎把我和細佬笑瓜了！

1. 有一天，在媽媽回家之前我們看過了教育電視，看了母親餵母乳的情況。媽媽回家，齊齊第一時間對媽媽講
齊：『媽媽，我知你個胸部入面係乜，同埋有咩用！』
媽：『咁係乜呀？』
齊：『係奶奶，用黎餵bb』
媽：『咁爸爸個胸部係乜？』
齊：『脂肪』
媽：『咁你個胸部有咩用？』
齊：『 透氣』

當然，後來媽媽也花點時間來把正確的知識告訴我們

2. 看到電視講吸毒
齊齊問：『吸毒係咪會賴尿架？』
媽：『係呀，因為毒咪影響咗儲尿尿果個器官呀麻，個器官叫膀胱！』
齊齊：『咁痾尿果個器官呢？』
媽：『叫啫啫』
齊齊：『唔係呀，我係問真係果個名呀！』
媽：『好核突，唔講』 想不到，連媽媽也會有說不出口的時候
齊齊：『講啦，我想知呀！』
媽：『陰莖』
齊齊：『都唔係好核突啫』
我：『係呀，我都記得呀，女仔呢，係咪叫陰部呀？』
媽：『係陰道』