高回報

都是一天之內發生的事。

在工作上，收到都差不多的投訴，草過長要剪，有人插完旗沒有取去…另一樣是出VO，怎知程序比想像中複雜，要等Contractor回覆才可以繼續。

回到家中，很累很累，小孩卻不停摧促我跟他們玩。

要待一會兒，有了一點 energy。

津齊在吃晚飯時，問我何以木頭和船船可以浮在水面上，我拿張紙畫圖解釋，因為displace了水的浮力比物件重量取得平衡時，物件就會浮起來了。津齊聽完很開心，因為明白了，然後又爭著覆述一次，他們引用我所講的『displace』，中英夾雜，很有趣！

然後我們一起看『有愛一家人』，即是肉麻到不得了的台劇，
我順勢問齊齊：『如果你老婆有咗bb，你發現佢唔好，好惡，唔鐘意佢，點算？』
齊：『唔會，如果佢唔好，唔靚，我就唔會同佢結婚』
我：『咁你覺得要拍幾耐拖先知到佢適唔適合做你老婆呀？』
齊：『兩年！』
津：『十個月』
齊：『咁媽媽你拍左幾耐呀？』
我：『四年』
齊：『咁我跟你一樣拍四年啦』
之後還有很多類似的對話，又問我幾多歲結婚生孩子等…很有趣，一方面他們對媽媽的戀情那麼有興趣，一方面又見他們越來越有主見。

之後，齊又爆出…
齊：『媽媽，我幫你改左個花名，以後我都只會叫你個花名，唔叫你做媽媽架啦，就係 --Honey啦！』
後補一句：『不過，出街有人的話，我都會返你做媽媽，因為我怕醜。』
津：『媽媽，我都幫你改左花名，叫伍寶石』
齊：『你改個名都唔溫柔嘅！』
我：『唔溫柔，但係好珍貴，寶石喎！』
齊：『咁我改果個珍唔珍貴？』
我：『都珍貴』

之後，他們吃老公買的豬肉紙，吃到滿地都是碎片，我提議猜程尋，猜輸的掃地，津雖然猜輸，但我提議她去做練習，我幫她掃地，齊卻比我更快手去拿掃帚，說：『我係你個仔，等我服侍你！』

之後，我們做做英文練習，讀讀英文書，齊齊有很大進步，讀得出來，又分得出那一個是『動詞』，其中一句說：『loves to eat　』齊反駁：『乜唔係ｅａｔ先係動詞咩？』我給他解釋。

雖然辛苦，好累好累，但看見津津齊齊進步很多很快，又錫媽媽。相比事業，深感媽的工作回報率真高。感謝神！~~~