進步

我做的功課，越來越進步。

以前(左邊)的CIRCLE不夠圓，現在(右邊)的圓得多。

以前(右邊)的填色不夠色，現在(左邊)的夠色得多。

以前(左邊)的連線填色不夠直，現在(左邊)的直得多。

家務日

今天媽媽落下命令，那兒都不去了，因為最近天氣天潮濕，她要留在家裡打理。要洗一大堆衫，吸塵抹地。

最後，我們都可以逛一逛附近的商場，媽媽那麼辛苦，讓我來幫她推細佬啦。

情人節

情人節前夕，老公已經問我想去那裡，我想，去行山，當我們還沒有津津和齊齊時，我們兩口子常常去行山，很回味那陣時的日子。

首先將津津安置於媽媽的家中，然後請來嫲嫲湊細佬，我們就出發了。

今天，老公很用心幫我影相，但是今天的相看來有點肥，我最喜歡這一張。

今天還收到老公送的花花，是兩支藍玫瑰。

回家集齊津津齊齊一起去吃晚飯，影多一張情人節相相。

媽媽的長裙

有一天，媽媽穿上短裙返工，我跟媽媽說：『媽媽，你著短褲o既！』媽媽說：『唔係呀，呢條係裙裙黎架』，我說：『媽媽，你著短裙o既！』

又有一天，媽媽穿起長裙返工，我跟媽媽說：『媽媽，你條裙咁長o既，我都好鐘意呀』。回家後，媽媽說：『你咁鐘意媽媽條裙，咁不如我地影相相呀』，我點頭。

媽媽：哈，呢個津津呀，開始留意媽媽的衣著喎！

 

相聚一刻

每天我都會很珍惜我跟媽媽相聚的時間，即睡覺前的時間。

其實我都算是十分乖的小朋友，每天都大約十時半，我就會跟媽媽：『訓覺啦，入房房啦』，媽媽就會給我沖奶奶加一支水，陪我睡在床上，細佬又會差不多扭眼訓，爸爸就會沖奶奶給細佬，細佬就會喝著睡覺，我都會很快入睡。

早前，媽媽教我，要有禮貌一點，想睡覺了，就說：『媽媽唔該抱我訓覺』，我有照著做。每次媽媽一抱我，我就會扮訓覺，閉著眼，但我的咀仔不聽話，總是露出微笑。

不過最近，應該是放完農曆年假後，我不能很快入睡，入到房房，我會低聲跟媽媽說話，傾一會兒心事，有時要媽媽：『你要望住我呀，唔好咪埋眼喎』。

試過有一次，我喝完奶，跟媽媽傾完心事，媽媽叫我快入睡，我說好，然後抱著我的奶樽，閉想眼，帶著微笑，五秒鐘入睡了。媽媽看著我的樣子，甜在心頭。

又有一次，我喝完奶，跟媽媽傾完心事，媽媽以為我入睡了就心急去洗澡，怎知媽媽洗澡完，又發現我走了出大廳，我跟爸爸看一會兒電視，爸爸叫我睡覺去，我馬上拖著媽媽，低聲跟媽媽說：『你同我入房房訓呀！』聽到媽媽十分窩心。

又有一次，媽媽要洗澡，由爸爸陪我睡覺，我要爸爸睡在床邊，不可以太貼近我，我拍一拍我和爸爸中間的位置說：『留返呢到媽媽訓』。

爸爸媽媽覺得，農曆年假後，津津好像想多跟我們相聚才不肯睡覺，所以他們沒有逼我睡，反而想滿足我的要求。

津津的話

我真的很喜歡飲水水，飲完一支又一支，芳姨幫我斟完一支又一支，芳姨說：『你係個水怪黎架』，我說：『我係湯怪呀』。

有一天返學的時候我扭計，要跟媽媽上班去。媽媽告訴我要學習到技能才可以返工，因為返工的時候要工作。我跟媽媽說：『我要學英文，因為媽媽返工果到有外國人』。

有一天，我聽到爸爸叫媽媽做“媽媽豬”，我問爸爸何解，爸爸說是因為媽媽可愛到好似豬豬，我說：『係因為污糟呀！』

有一天早上，我問媽媽要提子汁，媽媽因為還剛睡醒，沖提子汁的時候還矇盛盛不知自己在做什麼，我拍一拍雪櫃跟媽媽說：『呢到呀』，媽媽大讚我醒目。後來我把這事轉述給爸爸，我跟爸爸說：『我問媽媽攞提子汁，媽媽呢到望果到望，我話“呢到呀”咁樣呀，幾搞笑呀！』

有一天，我指著爸爸媽媽讀書時的相片說：『爸爸媽媽影相果時我都未出世架』。

如果我坐痰罐時，細佬望著我，我會大叫：『唔好望住我呀，會生眼挑針架！』

媽媽給我看她小時候的照片，十一、二歲的媽媽都可以被我認出來，但其他的人，如細舅父，大舅父，仍是bb的表舅父，我全都認不到，我對媽媽果然最有“感覺”呀。

那天到婆婆家吃飯，我指著婆婆說：『我媽媽係呢個婆婆生架，我爸爸係嫲嫲生架，我同細佬都係媽媽生架，我媽媽生o左好多bb 呀！』細舅父問：『咁我係邊個生架？』我答：『di~a~na』。

有一天，我跟媽媽看電視，看到呀蘇去了台灣，有兩個大頭佛陪她步出機場，我大叫：『呀蘇呀，大頭佛呀！』媽媽說：『係呀，呀蘇去台灣呀。津津，你都去過台灣架，果時你係媽媽個肚肚到』，我問：『台灣係咪好遠架？』媽媽說：『係呀，要撘飛機去架』，我問：『咁我係咪係飛機到出世架？』媽媽說：『唔係呀，你係醫院到出世架』，我扭計：『唔係呀，我係飛機到出世架？』(媽媽：咁都好扭計o既？)

有一天，我在玩我的babie娃娃們，媽媽問我：『個公仔邊個架？』我說：『全部都係我d bb黎架』，媽媽問：『咁係邊個生架？』我說：『係醫生生架，醫生。生o左好耐架，五分鐘架，好辛苦架』。

細佬表演

表演一、扮肉緊、扮咳再食啖餅餅

表演二、請請、咬住個奶咀