很久沒有記下津津的話，一開始，準確來說應該是記發音，漸漸是記你會說的短句子，有時是一些錯grammar的有趣句子，長大一些後，是一些有趣理論，到現在，津津的話充滿智慧，令媽媽很感動，相信津津真的是有神的話在心中，願津津真的是神所喜悅的小孩。
上年生日時，返工的一刻，津津說：『你今日生日，但係做野o既時候唔好記住係生日呀，要專心工作！』
上年get well party之後，津津說：『你估sa姐姐聽完之後會唔會信埋我地o既主？』
最近，看王祖x的performance，當中他扮著女人祈禱，津津問我：『其實佢知唔知道自己係唔正經架？』
最近，一起跟津津祈禱，津津每次也把感恩的事講出來多謝神，也為別人代求，祈禱完畢，津津笑笑地說：『其實我原本唔知想講乜，想到就講』聖經說我們的禱告是聖靈的歎息。
津津的話，當然還有每天對別人的關心的話，對家人說窩心的話…津津，你真的很叻叻，記得你在日本深切治療部的時候，我在你旁邊祈禱，我求神讓你留在我身邊，因為你一定會是一個蒙祂喜悅的小孩，我想，我沒有看錯！
我說：『媽媽，第時我買樓，你幫我揀呀？』
媽媽說：『我又無份住o既，我點解要揀呀？』
我說：『我會同你住架！』
媽媽說：『你第時嫁人，就會建立自己屋企，到時就唔會再同爸爸媽媽住架啦！』
我說：『咁住附近啦！』
媽媽說：『都好喎，到時媽媽退休，就學煮飯，咁你同你老公就返黎媽媽到食飯啦！』
此時，爸爸加插一句：『媽媽為o左你學煮飯，真係好偉大！你係咪得架？』
媽媽說：『estela都得啦，我諗都得卦！』
我說：『我都可以架喎！』
媽媽說：『嘩，你咁叻？』
我說：『係呀，好易之麻，加d鹽，再加粒濃湯寶咪得囉！』
話說媽媽看過女拳，十分喜歡正氣凜然的黃師傅，又感動桂蘭受盡苦頭都要嫁給黃師傅，媽媽說，其實黃師傅也是媽媽那杯茶，若果要嫁，也要像桂蘭一樣嫁一個頂天立地又正義的大丈夫！
媽媽問我：『津津，你第時要嫁個點樣o既老公，我俾你揀，(a)、要靚仔…』
我說：『要靚仔！』
媽媽說：『等我講埋先啦，(a)、要靚仔 (b)、要有錢 (c)、好錫你 (d)頂天立地的大丈夫，好似黃師傅咁』
我說：『樣樣都要！』
媽媽說：『唔得，只可以要一樣，即係如果要靚仔，就無錢又唔錫你又無正義感，有錢就好醜樣唔錫你又無正義感…』
我說：『咁我要靚仔…同埋有錢，兩樣啦…同埋錫我…三樣啦』
媽媽說：『都話唔得囉，是但啦，其實媽媽相反，頭三樣都唔重要，我淨係要嫁俾一個頂天立地的大丈夫，就算唔靚仔，對我唔夠細心或著要捱窮，我都甘心樂意架！』
還有一次，我整古媽媽！因為每次做資料搜集做得多了，有一次媽媽一知道要做資料搜集，便說：『唔係呀麻，又做！』
於是有一次，我說：『er…媽媽，要做資料搜集，資料物動呀』
媽媽因為擔心又要做而沒有說話好一會…
我扮媽媽說：『唔係呀麻，又做！』媽媽才明白我是作弄她呢！
有一天，媽媽聽電台說：要記住三個三的原則，第一個“三”，每天擁抱孩子三秒鐘，第二個“三”，每天跟孩子說話三十分鐘，第三個“三”，就是逢星期三都不可以加班工作，回家陪孩子！與煲劇師奶媽媽講無記電視劇，都算做到了！還要記住逢星期三不可以加班，打波也不可以！
這是放假送津津返學那天的對話，
津津說：『你想你以後都可以接我返學接我放學』
我說：『咁你想唔想媽媽唔返工照顧你呀？』
津津說：『想』
我說：『但係你以前唔係咁講架喎？』
津津說：『我以前唔識諗！』
我說：『媽媽唔返工，我地就要慳D架啦喎！』
津津說：『我可以買少粒糖』
我說：『買少粒糖唔夠架，你知唔知我地買屋屋要幾多錢呀？』
津津說：『幾多錢呀？』
我說：『係四百萬呀，我只仲係問銀行借錢黎買，買完之後就要買錢俾銀行架啦』
津津說：『要還到幾時呀？』
我說：『要買到你三十歲啦，咁你話媽媽唔返工點得呀？』
津津說：『咁你返少少囉』
講開買樓的事，早前帶過津津返工後，津津已經對我說：『媽媽，我地買旺角啦，我想你返工唔好咁辛苦呀！』
又講開買樓的事，二哥問津津：『你搬到咁遠，婆婆咪唔可以黎接你放學囉？』
津津說：『撘港鐵咪得囉，傻佬！』
津津的話，令做媽媽的感覺：既窩心，又搞笑，既天真，又覺得津津真的很像自己，不知天高地厚 (叫舅父做傻佬)、flexible (唔可以唔返工就做少少)…媽媽很想津津，在長大後，明白多了些世情之後，仍能保持那份天真樂觀，也學會體恤別人。
津津：『媽媽，第時我結婚，會問下你先架！』
媽媽：『但係到時我一定會勸你男朋友唔好娶你喎！』
津津：『點解呀？』
媽媽：『因為你好粗魯，唔似女仔！』
津津：『(輕挑地)我到時就唔會咁架啦！』
媽媽：『三歲定八十呀，你到時都會係咁粗魯架！』
津津：『到時你就唔記得架啦！』
媽媽：『好呀，睇下點！』
津津：『(無奈地)好啦好啦，我聽日會乖架啦！』
為咗嫁得出，津津從此要乖d啦！
我有媽媽的一個缺點，就是失魂，媽媽提我幾次，我都總是忘記。例如，我總是將一筒木顏色豎立在枱面，很容易就弄跌，把木顏色掉到一地，因此我的筆常常斷，媽媽每次都提我要把木顏色平放，所以每當我弄掉了，媽媽都很生氣，媽媽罵我：『媽媽講過幾多之要平放呀？』我低低頭回答：『一千五百次』，這樣一個表示知錯又不失幽默的答案，馬上令媽媽怒氣全消，難怪媽媽說我是天生的外交官。
有一次，我跟媽媽說：『我同你講呀，你呢要訓多d覺，咁先有精神返工同埋照顧我同細佬架麻！』原本，媽媽是一個很怕囉唆的人，但若果是由我出馬，加上是那麼關心媽媽的話…lum晒！
細佬平常自己上洗手間，但是你很難想像他上洗手間的頻密之數，總之他在家裡，喝了點水，其後你就會不停聽到他，抓著自己的小弟弟，跑向洗手間忙著說：『好急呀，我自己…』有時加句：『媽媽，幫我開燈燈！』試想想，不足數分鐘，你又會見到玩到慶起的細佬，又抓著自己的小弟弟，又跑向洗手間，又說同樣的話，你就會被這個忙著的小伙子笑瓜。
有一次，細佬的洗手間被佔用了，細佬便跑到媽媽的洗手間，但是媽媽的洗手間沒有小椅子，細佬不可以自己去，大叫：『好急呀媽媽！』媽媽便抱他上洗手間，細佬說：『唔好掉我落廁所』，一邊咮咮，細佬看著窗一邊說：『出面黑monk monk』，有次，媽媽跟爸爸說起，爸爸說：『是呀！每次抱他上洗手間，他都會提醒我們不要掉他進廁所裡！』細佬，真的很可愛！
有一天，媽媽跟我傾計，媽媽說我什麼也不懂，很 “渣斗”，我說媽媽才是什麼都不懂，媽媽說：『我咩都知架！』於是我細細聲自言自語，然後問媽媽：『你知唔知我講乜呀？』媽媽說不知道，我就說：『又話咩都知！』
有一天晚上，媽媽跟我傾計，媽媽問：『津津，你訓覺呢？係咪一訓上床就訓著架啦？』我說：『唔係架，有時你訓o左，我咁樣 (說著，做出眼光光的樣子)』媽媽說：『哎呀，津津，你連呢樣都似足我架！不過我唔明喎，我地大人就話有野諗o者，諗返工呀，諗你地d野呀，你都無野諗，點解會訓唔著架？』我回答：『我都好多野要諗架，諗下會唔會俾老師鬧，諗下簽o左通告未，諗下做o左功課未…』
媽媽：津津，媽媽真係唔夠你講啦！
有一次，我要媽媽抱，媽媽給我解釋，生我的時候已經把很多鈣質都給了我，現在剩下很少，因此骨頭很脆弱，應該不要媽媽抱那麼多。我沒有馬上落地。但是後來，我看到安怡奶粉的廣告，知道這奶粉對骨頭有幫助，我對媽媽說：『媽媽，你不如飲下呢個奶粉。
我看過了toy story ，問了媽媽一個問題：『點解薯蛋頭太太結o左婚都咁錫老公，你唔係o既？』(媽媽：嘩，好難答，津津，你抽稱媽媽喎！)
跟媽媽看電視，看完天天天晴聽主題曲，我說：『我覺得唱呢首歌果個人都唔靚o既？』媽媽說：『咁靚唱歌又唔好聽架啦！』我說：『咁唔通唔靚唱歌就好聽架啦咩？』(媽媽：『好難答，津津真係好醒目！』)
媽媽最喜歡聽我跟同學的對話：
『媽媽，我有一個同學幾搞笑呀，佢話佢去完大便要洗pat pat架喎，我話：『咁係學校點洗呀，咪俾人睇到個pat pat囉，好醜怪架麻！』
『媽媽，我今日畫o左個公仔，細佬想話我畫得靚，但係佢講o左：『津津好靚呀~』』
媽媽說：『你個咀仔唔識食O既？咁不如叫天父收返你個咀仔！』不一會，爸爸搣我的臉，媽媽說：『你唔好整津津整到佢唔舒服啦！』我加把咀說：『係呀，唔係叫天父收O左兩隻手架！』
不知爸爸媽媽說什麼，說著說著，媽媽問我仲生唔生好呀？津津：『生~生多個妹妹』，媽媽：『但係佢會同你爭玩具架喎？』津津：『我讓俾佢囉，我讓晒俾佢，我睇住佢玩！』
有一天，我早起了，媽媽替我換校服，我跟媽媽說：『媽媽，你係咪唔使返工呀？我想你唔返工照顧我呀』媽媽說：『但係你之前話想媽媽返工搵多d錢架喎！』我說：『我兩樣都想！』媽媽說：『你都返學啦，返o左學唔使媽媽係屋企啦，最多媽媽返完工早d返屋企，咁咪又可以搵錢錢又照顧你囉！』
津津問：『個天有幾高架？』媽媽回答說：『係無限高架！』我說：『火箭咪高過佢囉！』媽媽說：『都唔夠個天高架！』
早一個月，媽媽跟我說：『下個月爸爸同媽媽去旅行呀！』我說：『帶埋我去呀！』媽媽說：『不行呀，是去工作的呀！』我說：『咁去幾耐呀？』媽媽說：『去五日』我馬上流出眼淚，問媽媽：『你試下同老板傾下，睇下可唔可以去兩日好啦』。
星期六的下午，媽媽要我吃飯，我卻要玩，媽媽說：『你今朝玩o左成日架啦，食完先玩啦！』我說：『我今朝係去學o野(游水)，唔係去玩！』
爸爸請我飲波子汽水，我喝了兩口，說：『其實我覺得佢同普通汽水無咩分別，係多o左粒波子之麻！』
有一次，我看電視之際，我問媽媽：『媽媽，你幾時入電視呀？』媽媽問：『你問咩入電視呀？』我說：『即係係電視到見到你』媽媽說：『哦，係上電視，我又唔係明星，我唔會上電視架！』我說：『但係我會喎！』媽媽問：『係喎，咁你係參加香港小姐定係超級巨星呀？』我說：『香港小姐』，媽媽說：『但係你咁醜樣！』我大叫：『我靚呀！』媽媽說：『你咁矮！』我說：『咁咪等我夠高先囉！』
有一次，媽媽問我：『你成日痴住要同我訓，咁你大個結o左婚同邊個訓呀？』我回答：『同男朋友囉！』媽媽問：『咁我呢？』我回答：『你同細佬訓囉，不過，我一起身就會黎同你玩架啦！』媽媽問：『有冇搞錯呀，你結o左婚就同男朋友訓，媽媽結o左婚就無得同爸爸訓！』我回答：『唔係，你訓中間，你都係同緊爸爸訓架！』
我說：『爸爸，我俾你揀呀？一係呢就你帶我過馬路時無拖實我，俾車車死我，媽媽嬲你好耐。一係呢，你走o左唔知去邊，唔見o左我，媽媽嬲你好耐，你揀邊樣！』爸爸說：『兩樣媽媽都嬲我，我唔揀呀！』
媽媽：聽津津說話，媽媽比其他人的樂趣一定大很多，除了笑津津的創意外，我聽到津津講話其實都是從我而來的，尤其是當大家知道，我是十分喜歡給老公一些模稜兩可又好無聊的問題俾老公揀，就知道津津幾似我！
那天跟契媽peggy吃完飯，媽媽問我，你喜歡契媽嗎，我說：『鐘意！』媽媽問我喜歡契媽什麼，我說：『我鐘意契媽成日返工，賺好多錢買禮物俾我！』嘩，津津真的好“了解”契媽啊！
那天打部門羽毛球，媽媽失了分，津津說：『唔緊要架，最緊要加油！』
打部門比賽那天，有人問津津的衣服的公仔是不是火車頭，媽媽解釋那是麵包超人，日本品牌，火車頭是美國的品牌，津津加把口說：『美國呀，好遠架！』有人問津津：『美國有幾遠呀？』津津回答說：『成把間尺咁遠架！』
那天姨婆來我家打麻雀，我在見到姨婆前跟媽媽說：『你信唔信呀！姨婆見唔到細佬，一定會問我“細佬去o左邊呀”咁架！』嘩，原來人仔細細的津津真係好心思細密架，雖然最後姨婆唔係呢句開場白。
津津問媽媽：『媽媽，我鐘意唔鐘意細佬訓覺？』媽媽問：『都想架！』津津說：『係囉，佢訓o左覺我都可以做乜都得，食野啦，睇電視啦，玩玩具啦…』雖然聽落覺得津津唔鍚細佬，不過細佬又真係蝦津津蝦得好緊要，有細佬真乜都無得玩。
由細到大，津津真很喜歡繪聲繪影的表達，又鐘意做媽媽的跟班，媽媽講一句，津津就會和議。有一次，媽媽想叫細佬一起落街，媽媽說：『細佬，一齊買AA啦！』我們順利到了商場逛街，我問媽媽：『唔該五蚊aa咩？』
哈哈，沒有post一段日子的津津的話，又多元化了很多！因為我每天都在進步呢！
1. 有一次，我們一家又再行經我們租樓agent的店舖，我跟媽媽說：『媽媽，我地之前入過去玩架！』(媽媽心想：『小孩子真是，什麼都以為是玩』)
2. 有一次，媽媽望著auntie estela掛在客廳的衣服，媽媽自言自語說：『嘩，仲乜estella件衫咁sharp o既？』我聽到媽媽的話，然後走去摸一摸auntie的衫，說：『無呀，件衫無濕呀！』媽媽笑了，說：『我唔係話濕呀，係話sharp呀！』我問：『sharp？係咪shopping的shop呀？』
3. 有一次，我和媽媽去行山那次，爸爸行得較快，媽媽說：『我地要行快d啦，如果唔係，爸爸會唔要我地架啦！』我說：『如果爸爸唔要你，你咪唱返首"曾說愛是永恆"囉"*』(註："曾說愛是永恆"是卡通片反斗奇兵2的副歌"像昨天她喜歡你"的的第一句，是牛女翠絲被她主人拋棄山頭時唱的)
4. 有一天晚上，爸爸媽媽在床上傾談，媽媽問：『我係咪太惡呢？』爸爸說：『係架，你對津津齊齊唔好咁惡啦，我就無所謂o既，因為我知你係咩人呀麻！』我突然答咀：『我都知媽媽係咩人！』媽媽問：『咁係咩人呀？』我說：『係曳人』媽媽說：『我俾多講多一次』，我說：『係乖人』。
5. 有一次，細佬打我，我說：『唔通你想家姐死咩？』
6. 有一次，細佬咬我，我說：『唔通你想食o左家姐咩？』媽媽說：『係喎，食o左家姐就慘囉！』我說：『係囉，你咪無o左個女囉！』晚上，媽媽跟我從提舊事，媽媽問：『如果細佬食o左你咁點算呀？』我說：『唔使驚，佢食唔晒o既』，媽媽說：『淨係食o左你一隻手手都大件事啦，你點寫字呀？』我舉起右手，說：『我用呢隻手寫咪得囉！』媽媽問：『咁游水呢？』我做出單手蛙式的動作說：『咪咁囉』，媽媽問：『咁煮飯唔得啦掛？』我說：『煮飯用一隻手手都得囉』媽媽問：『咁睇報紙又得唔得呀？』我說：『放係枱枱到，然後一隻手揭囉！』(媽媽：『咦！真係難唔到你喎！』)
7. 有一次，爸爸笑我慢，說：『慢吞吞，食暈吞』，我笑了笑。後來，有一次，媽媽問我幾時會食暈吞，我答媽媽：『我慢果時』。
8. 有一次，我看到媽媽在看財經新聞，我問媽媽：『媽媽，你係咪無錢呀？』。
