津津的話

津津：『我係索克天王』

爸爸問：『咁爸爸呢？』

津津：『你係巴斯光年』

爸爸問：『咁細佬呢？』

津津：『細佬係三眼仔』

爸爸問：『咁媽媽呢？』

津津：『媽媽係胡廸哥哥』

爸爸問：『咁公公婆婆呢？』

津津：『公公係薯蛋頭公公，婆婆係薯蛋頭婆婆』

媽媽說：『索克天王係巴斯光年爸爸，不如你做巴斯光年，爸爸做索克天王呀？』

津津：『我係索克天王！！！』

 

不知為何，津津那麼喜歡做索克天王。

 

有一天的假期，因為時間許可，媽媽想慢慢安撫我起床，細細聲說：『爸爸好似話帶我地去sir滑梯』，怎知，我馬上睜開眼睛，快步落床床，然後指一指在旁傻呼呼的細佬說：『帶埋呢個人去，唔係佢會喊架，好淒涼架！』。

 

媽媽看在眼內，津津真的好像趕著返工，然後吩咐別人幫她做事似的。

 

有一天，爸爸激嬲我，我說：『你好黑人憎架』。

 

有一天晚上，我肚子痛，媽媽用藥油擦暖雙手然後按著我的肚子，重覆幾次，媽媽覺得很累很累，叫醒爸爸幫忙，還帶著睡意的爸爸幫我按肚子，我大叫：『你隻手都唔夠熱！！』。

 

有一次，因為細佬常常搞我的印章，媽媽於是讓我坐在我的high chair上玩，我在fing 腳，fing的幅度是鈍角，即是相當大，但另一隻腳卻不動，媽媽問我：『津津，你隻腳仔做乜呀？』我指著我fing著的腳說：『呢隻有電』又指指我不動的腳說：『呢隻無電』，超搞笑。

 

有一天，我回到家裡嚷著要爸爸沖奶給我，爸爸跟我說：『你除o左對鞋放係門口我先開奶』，我說：『放係呢到就好啦』，爸爸說：『你放係呢到，爸爸夜晚開奶會click到架』，我說：『你lump過佢就得啦』，爸爸說：『夜晚太黑睇唔到架麻』，於是我就把鞋放好了。

 

津津的話真的有紋有路啊！

 

有一天，姨婆帶我去sir滑梯，怎知有一位哥哥不理其他人，橫衝直蹱，有一位姐姐看到，便把我抱走，抱到姨婆那裡，我跟姨婆說：『果個姐姐好有心呀！』笑死姨婆了。

 

也笑死爸爸媽媽了！