津津的話

又是分享我的話的時候…

有一天，我跟媽媽看電視，看到有一個外國人，我問媽媽：『媽媽，呢個人係咪假架？』媽媽說：『唔係假，佢係外國人』，我說：『你公司都有外國人囉』，媽媽說：『係喎，咁佢同你講乜呀？』我說：『佢話hello喎 (請注意，個hello係讀得好有口音的)。』媽媽說：『仲有呢？ve…』我說：『...ry...good！』。

媽媽接我，我又要媽媽抱，媽媽說：『媽媽返工好攰呀！』，我說：『你聽日放假啦！』

今天媽媽要做facial，爸爸先湊了我，減輕芳姨的負擔，與我一起等候做facial的媽媽，我見到媽媽後，行經夾糖糖的店舖，我跟媽媽說：『我想夾糖！』媽媽說：『你成日掛住食糖唔食飯』，我說：『我返學都有添飯囉』。

媽媽最後帶了我去夾糖糖，我一邊夾，一邊說：『我夾d呢個，我俾d你食，你唔好食晒我架，要留返俾我架！知唔知呀？』

夾完糖，我們又去芳姨家接細佬，我問媽媽：『點解要接細佬o既？』媽媽答：『咁媽媽係媽媽黎架麻，每一日都要接返仔仔女女一齊架麻！』於是我問：『爸爸係爸爸呀？』(嘩，好明顯在窒媽媽啊！)