津津的話

每逢媽媽講到一些因果關係，如：『如果你曳，我就打你』，我就會問：『咁如果乖呢，係唔係唔打呀！』要注意的是，是媽媽每逢講到因果關係，我都會這樣問，又例如：『津津，凍啦，著返件衫』，我就會問：『咁如果唔凍呢，係唔係唔使著衫衫』(雖然有時煩煩地，媽媽很喜歡我這樣說話，可見我的小智慧)

又每逢媽媽為我做一件事，我都會跟媽媽承諾我會為她做同樣的事。有一次，媽媽用寶寶車推著我，我說：『媽媽，我第時大個推返你啦』，爸爸問：『咁我呢？』我說：『細佬推啦！』爸爸說：『但係我鐘意媽媽多d喎』，我說：『但係我鐘意媽媽多d喎！』又有一次，媽媽替我洗澡，我說：『媽媽，我第時大個幫返你沖涼呀』媽媽說：『好呀！』又例如買屋屋，我都會說：『等我第時買間屋屋俾你，你到時要自己一間房架喎！一人一間房』媽媽說：『咁爸爸呢？』我說：『同你一間房啦！』媽媽說：『一人一間房間屋要好大架喎！』我說：『咁我同細佬一間房啦！』(不知道我說這些話的背後意義，但是媽媽每次聽到都感覺窩心的)

可解我要承諾媽媽那麼多呢？可能與我的一個想法有關。有一次，我問媽媽：『到我第時大個，你係咪會變細架？』哦…疑團解開了，原來我常常覺得媽媽將來會變成小孩一樣，要我照顧啊~(是的，媽媽將來真的會變成小孩子一樣的)

我見媽媽塗的潤膚霜跟我的是不同的，我問：『媽媽，點解我同你唔同o既？』媽媽說：『因為媽媽老啦麻！』我問：『咁我幾時老呀！』媽媽說：『要等好耐好耐架』後來有一次，我突然有點開心地跟媽媽說：『我就黎老架啦~』(我真的真的年少無知囉)

有一天，我流鼻血，鼻屎呈黑色，後來沒有流鼻血，我了了一粒鼻屎，跟媽媽說：『媽媽，你睇下，我D鼻屎係金色架！』