阿凡達

厲害！不是說這齣戲，是說津津齊齊，想不到他們可以陪我一起看這套三個小時的戲。

同事t借我這齣戲，說他女兒看的時候都驚的。我跟津津說：『津津，你夠唔夠膽睇阿凡達，皓琳都驚架喎！』津津說：『你攬住我睇！』細佬因為家姐這樣說，又說：『好驚呀我，攬住我！』於是我和老公，一人攬一個地看了阿凡達，是攬得很緊那種，因為稍一鬆手，津津齊齊便說：『好驚呀，攬實d』。

大家都看得很投入，津津不停問問題，我也很耐心解釋：『地球人要對付navi呀，想入侵佢地o既地方，好唔岩呀，咁navi咪要對付返地球人囉！』順道教津津：『津津你都唔想人地入侵我地o既地方，如果有人要搶我地o既屋企，你都要保護屋企，趕走佢地！』不知津津有沒有聽得明白，起碼我問津津想誰勝出時，她說想navi贏。不過，津津有時都幾見風轉舵，見到地球人有機械人就說地球人會贏，見地球人快輸了就說navi會贏。

到我寫影評啦…

故事其實很簡單，也很老生常談，情節也不太特別。

雖說講古不要駁古，但是始終講到是到來自兩個星球，環境生物都不同，卻同樣地愛和表達愛的方法，有點怪呢！明明是講星球與星球間的爭端，又加插愛情元素，很商業呢！所以若果不是講到那麼大，不要講到是侵略其他星球，可以講是發現地球上還有一處世外桃園會好一點，起碼感覺會真實一點。

不過，我喜歡訊息正面和天馬行空的電影，這才是電影麻！