甜心sweetheart II

齊齊最sweetheart的，何止是自拍。

媽媽不開心的那天，齊齊在家中望著媽媽問：『媽媽唔開心呀？』然後沒有說話。後來一起吃晚飯，齊齊跟媽媽說：『爸爸曳曳，媽媽叻叻！』媽媽說：『多謝齊齊！』齊齊問：『開唔開心呀？』媽媽說：『開心呀！』

不知道，細佬是否明白媽媽不開心的原因 (媽媽生自己的氣，覺得自己無用很失敗)。其後，細佬教媽媽肯定自己。媽媽跟細佬逛街，媽媽弄掉了東西，媽媽說：『哎呀，媽媽真係論盡，成日都整跌野！』齊齊卻說：『媽媽叻叻！』好幾次，媽媽忘了東西，弄爛了東西，細佬都是如此說。

有一次，媽媽生細佬的氣，媽媽『唔…』了一聲，細佬走在媽媽面前，細細聲，伸上食指說：『唔鬧架！』

細佬，沒有什麼原因，跟媽媽說：『我鐘意媽媽！』媽媽說：『我都鐘意你！』細佬笑著說：『你鐘意我？』

有一次，細佬穿著媽媽織的溫暖牌，說：『係媽媽織俾我架，係你(走上媽媽面前，指一指媽媽)織俾我 (指一指自己)架！』

有一次，細佬陪爸爸等媽媽放工，在港鐵站等到了媽媽，媽媽還未出閘，細佬不理三七廿二，衝了入閘，說：『我見到你啦，我好開心呀！』

 

甜到暈、甜到漏、甜到入心入肺了