怎能不愛

齊齊在我們家，真的一個大笑蛋，樣貌趣緻、行為趣怪，真的給我們帶來很多歡笑！

好端端穿上親子裝，卻要食雪糕，弄到一身都是…

好端端給你吃車厘子，可知道車厘子是十分貴價的生果，你卻吃到這個樣子！

為自己成功打了針針而感到驕傲，但又以為自己個傷口好緊要，遲遲也不止撕走膠布。有一天，媽媽為我們解釋打防疫針的用途
齊齊說：『我想再打針呀！』
爸爸馬上捉住細佬說：『咁而家去囉！』齊齊卻又緊張得哭起來。
齊齊解釋：『因為我想自己d白血球好犀利呀麻！』
媽媽說：『咁你又喊？』
齊齊說：『我話第二日先再打！』

都說齊齊行為趣怪的呢！

齊齊超愛食和超睡，有一次，連sa姐姐也被齊齊的食量嚇驚，一見到媽媽便報告：『佢食好多呀，已經食咗一大碗通粉，然後又食蛋糕同餅，屋企所有蛋糕同餅都被佢食晒啦！』最近放暑假，齊齊每一日也睡到很晏，試過有一次在11:30am起床，要知道，齊齊在10:30pm上床睡覺的。

有一天，食飽飯齊齊見到零食又想食：

媽媽：「你又話飽？」
齊齊：「係呀，因為我有第二個胃」
媽媽：「邊個教你架？」
齊齊：「係花師奶！」

最近，媽媽晚上要作巡迴演講，先在齊齊房講故事，然後在我房講故事，不過有時只是傾計不講故事，視乎我們心情而定。有一晚，媽媽跟陪齊齊睡覺，睡覺前跟齊齊祈禱，媽媽鼓勵齊齊開聲：

齊齊說：「但係我講d野好怪架喎」
媽媽問：「點怪呀？」
齊齊說：「都係我d曳野囉」
於是媽媽跟齊齊逐一數出齊齊最近做過的曳事 (在公園跟小朋友爭玩，打家姐…)，再作一個認罪悔改的祈禱。

你說，那樣的齊齊怎叫媽媽不愛死他呢！