負leg請罪

昨晚，發生了一件事：

媽媽口痕問齊齊：『你鐘唔鐘意媽媽？』
齊齊：『鐘意，不過而家減咗少少』
媽媽驚訝地問，眼角還要開始帶淚：『點解呀？』
齊齊也大驚，開始安撫媽媽：『少咗好少渣』
媽媽：『咁都係少咗呀？』
齊齊：『而家加返』
我加入：『我最近俾功課你做，問你鐘意媽媽定係sa姐姐，你話係sa姐姐』
齊齊：『因為家姐無俾兩個都鐘意呢個答案我揀』
媽媽：『咁真係要揀一個架麻，好似媽媽同sa姐姐跌落水咁，你只可以救一個！』
齊齊：『我救媽媽！』
媽媽：『我唔信，你係鐘意sa姐姐，有時你同sa姐姐係房到玩，你驚媽媽鬧都唔出黎同我玩！枉我成日趕去學校接你放學，成日買玩具俾你…』
齊齊百詞莫辯，開始流出眼淚，後來硬咽地說：『咁你幾時先原諒我呀？』
『諗下先』媽淡然
齊齊哭著說：『如果爸爸媽媽以後都唔買野俾我，以後都唔理我，咁我就慘啦…』齊齊開始哭得厲害

到媽媽心痛了，要安撫齊齊，齊齊說：『我停唔到(一邊喊一邊咳)…』看在眼裡，連我都心痛起來，掃著齊齊的背部，希望他可以好一點！

把對話寫得detail，因為當中有很多值得留意的細節
1. 齊齊的辯護能力不錯
2. 齊齊最最最關注的，仍是買玩具
3. 我雖加入欺負細佬，卻因為他有事而擔心

後來，媽媽十分後悔，明明心裡是十分喜歡齊齊，怎麼竟然捉弄細佬到如斯地步，問心，其實媽媽不介意齊齊也喜歡sa姐姐，因為媽媽也很有信心齊齊是愛她的，好像齊齊每一次都是最期待媽媽送他返學接他放學，其實齊齊對媽媽的愛是不用置疑的。

因為媽媽太內咎，今天便買了趁食飯時間買來小禮物細齊齊，逗齊齊開心，媽媽當然也不會忘記我，給我買了一份。

 

『無論你喜歡誰，請你記住留下給我這位置，時常在內心一隅，剩底幾寸留給這女子』---正好代表媽媽此刻的心聲！