Bedtime story

早上，媽媽陪我們上學去，媽媽說，齊上小學後，我們每一天都一起出發很好，好像給每一天都注滿動力和生氣。

晚上是我們最溫馨的講故事時間，一開始，因為媽想用講故事來鼓勵齊齊返自己房睡覺

第一天，齊說：『我鐘意有畫面的故事』

媽說：『咁即係睇卡通片，唔係聽故事』

齊說：『係呀，我想咁樣！』

媽說：『聽故事也有聽故事的好，可以訓練我們的想像力，嗱，好像如果我講有怪獸，家姐眼中的怪獸可能是有一隻眼的，你眼中的怪獸可能是好多隻眼的。又例如，我講有靚女，家姐眼中可能是金髮的，你眼中可能是黑頭髮的…那麼，你有豐富的想像力後，他日也可以自己創作啊~』

齊完全被說服，加上，媽媽即時講一個很好聽的『誠實的故事』，因為媽媽見齊齊有時都會不誠實，其實也不是故意不誠實，有時是因為怕對方(媽媽)知道後生氣，有時因為大家都不誠實了，做誠實的人實在太蝕底…所以才會使人不誠實。所以媽媽講了這故事，要告訴齊，誠實或者帶來即時蝕底，但卻帶來長久的好處。

第二日，平日十時半上床睡覺的齊齊，下午已經嚷著想快點到晚上，因為可以聽媽媽講故事。

之後是順著『因著信』歌詞的一個個信心偉人的故事講，先是亞伯拉罕獻以撒、然後是雅各與天使捽交、然後是摩西分開紅海
媽媽問齊：『好聽嗎？五分滿分你俾幾多分呀？』
齊說：『雖然有D深，但係我都俾五分』
齊說最喜歡摩西分紅海，很有型！

之後我們還會一起禱告，媽說，什麼事都可以告訴天父的。

有一天，齊說：『天父，多謝你賜俾我一個咁搞笑的家姐』

我也說：『天父，多謝你俾我可以令到齊齊大笑！』

又有一次，齊禱告說：『天父，我唔見左本書！』

又有一次，齊禱告說：『天父，今日媽媽去左飲，好夜先返！』

很傻呢！

我呢，我禱告說：『天父，我想姑姐快點信主，不想到你來的日子，姑姐被送到火湖去！』