Funny conversation

-         正當爸爸跟契媽傾電話，媽媽又正在照顧細佬，我自己玩玩具，然後我吩咐爸爸，『唔好郁，雙手放係大脾，dup低頭』，轉個身，我發現爸爸郁了，又再吩咐他說，『唔好郁，雙手放係大脾，dup低頭』。

-         媽媽用單車推我返學，她說：『你下次要自己踩架啦』，我回答說：『我唔夠高呀』。

-         我現在可以講電話，公公打電話來，我拿著跟他說：『我頭先係呢到跌親呀』，有時又會點頭示意，哎呀！我何時才知道我家的電話是沒有視像的。

-         我未夠高按升降機的掣，媽媽跟我解釋我不可只吃菜菜，要多吃米飯才會高的。今天我們家到大舅父家吃飯，吃完飯準備回家，我總是第一個跑出門，當爸爸媽媽才剛剛踏出門口，我已噼噼啪啪跑到升降機門前，再噼噼啪啪走到媽媽跟前，很開心地跟媽媽說：『我㩒到呀』，媽媽去看看，我雖是夠高可以按到，但太細力按不著，媽媽叫我再來一次，這次才行。

-         聽清楚了，我的同學不是梁志健，是楊志杰，還有一位，是曾樂謙。爸爸想：『為何都是男同學的？』

-         每次細佬便便後，媽媽跟細佬換片，我都：『我睇，我睇』，當看到那些便便，我就會問媽媽：『媽媽你食唔食呀？』(其實我是從媽媽那裡學的，她問過我一次，我以後就跟著問，所以說話不要講啊！)

-         戒了片片後，我試過三次賴屎屎，第一次由婆婆處理。第二次，我告訴爸爸：『地下有屎屎呀』，爸爸才發現，大件事！第三次，我給媽媽看看大腿的一點屎屎，跟媽媽說：『媽媽，污糟o左』，媽媽看看，不是污糟o左，係勁污糟，整個屁股，地地都有！

-         媽媽有時會打我，她要我拿出手手，我拿出的時候，看到媽媽想打，我又驚又縮手，媽媽堅持要我拿出手手，最多打得細力一點，久而久之，媽媽打我的時候，我又驚又會說：『細細力呀』。

-         很多時候，我的說話都是學媽媽的。有時候，有人問我一些難題，我會答：『er….我唔知道呀』。

-         有一個星期六，媽媽起床準備返工，我都跟著醒了，我坐到我的小枱子，打開上面的報紙說：『我睇報紙』，怎知媽媽跟我說她要返工，我哭著走到媽媽面前擁著媽媽叫她不要返工，後來爸爸都醒了，他跟我說他不用返工，我才肯放媽媽走。

-         有一天晚上，媽媽跟我睡覺的時候，她跟我說明天我要返學，我說：『我唔返學』，媽媽問：『咁媽媽呢？』我答：『媽媽唔好返工』，媽媽再問：『咁爸爸呢？』我答：『爸爸唔好返工』，媽媽再問：『咁細佬呢？』我答：『細佬唔好去芳姨到』，媽媽心想：『津津真的很清醒啊！』其實媽媽也很想一家人在一起不用各散東西，但是為了對社會有貢獻，我們要各自努力，唯有晚上才一家團聚吧﹗

-         有一天晚上，電視播『霍完甲』，有一個大隻佬，媽媽說這個是STRONG MAN，我看到他打人，很驚呀，跟媽媽說：『媽媽唔好睇Strong man』。

-         有一天，我夾到手手，跟媽媽說：『手手好痛呀』，媽媽問：『係唔係媽媽夾到你呀？』，我答：『津津自己唔小心』，媽媽心想：『你個人仔又無講大話喎』。