Lovely conversation

最近，我常常講一句話：『我呢到仆倒，我果到仆倒，我起身』，很生動的，呢到果到時會指近指遠，起身時就舉高雙手，媽媽想，這也是一句很好的鼓勵說話，跌倒又跌倒都不要緊，最緊要是可以自己起身。

嫲嫲腳痛入了院，爸爸媽媽帶著我和細佬去探嫲嫲，媽媽跟我說：『嫲嫲腳痛，入了醫院』，我說：『津津腳好痛，俾蚊蚊咬到喎』。

有一天，有一位伯伯見到我，叫我做靚女，我跟他說：『我唔係靚女，我係鄧以津』，很有性格呢！

媽媽從芳姨家接我，芳姨開了門，爸爸媽媽要等芳姨把細佬放好在手推車上，我就急不及待走到升降機門前，我跟媽媽說：『我係果到等你，好無？』

媽媽教我五隻手指的名字，說到『食指』，我一聽到，就跟媽媽說：『我食紫菜』，令媽媽哭笑不得。

有一次，我看的卡通片時，看到一個Strong man，退後了幾步，跟媽媽說︰『好驚呢個』。其後，媽媽就作弄我，我百厭的時候，媽媽就拿起電話，說要打電話給strong man來捉走津津，起初津津真的會乖下來。試多幾次，方法失效了。今天，我自己打電話給strong man：『喂，strong man，爸爸媽媽好曳呀，爸爸打媽媽，放爸爸入厠所到』。(媽媽要澄清，沒有爸爸打媽媽這回事)

早上，我跟爸爸吃早餐時問爸爸：『咩聲呀？』爸爸說是吃東西的聲，我說︰『水喉滴水滴滴滴呀！』

有一次，我去完公公婆婆家玩，回家跟媽媽說：『我見到有兩隻曱甴，好恐怖呀！』

有一次，媽媽跟爸爸說：『跌到頭果個小朋友死o左』，於是我就不停問媽媽：『邊個死o左？』

有一次，我坐在我的私人坐廁上大便，完事後，我很高興地對爸爸說：『我痾o左兩舊屎屎，一舊大，一舊細』。

我常常學媽媽，媽媽想鼓勵我表逹自己，就會叫我轉述一些事情給爸爸聽，現在，我這樣對媽媽說：『媽媽，你同爸爸講津津好叻呀！』

我看我的卡通片，卡通片叫我數數瑩光幕裡有幾多個coin，正當卡通片裡在做試範，我就咬著我的奶樽說：『我唔數呀』。

有一次，爸爸跟我玩，細細力但連環的打我屁股，我哭著對媽媽說：『爸爸咁樣打我patpat』，一邊說，一邊做試範，自己打自己的patpat，媽媽於是裝作嚴厲地對爸爸說：『唔可以打人架』，我於是哭得更厲害，好明顯，是在撒嬌，爸爸甚為無辜。