駁咀最強

有一次，媽媽抱著細佬，我說：『媽媽，你推我，爸爸抱細佬！』媽媽說：『你俾我抱下細佬啦，佢就黎唔認得我架啦！』我說：『係唔係咁呀，你問佢你係邊個，佢話你係爸爸咁呀！』

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

有一次，我說：『我要炒爸爸魷魚』，媽媽剎有介事地跟爸爸說，細細聲，但是又故意讓我聽到：『哎呀，爸爸，咁我地要賣o左層樓啦，又要賣埋架車，津津d玩具都要賣晒啦…』，媽媽見到我在很認真地聽，然後我很認真地說：『好啦，我俾多次機會爸爸啦』。

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

以前，芳姨常常這樣說話：『你飲咁多水，你係水王黎架！』我現在這樣對媽媽說：

我喜歡纏著媽媽，踩著媽媽，壓著媽媽，媽媽便大叫：『津津，你搞到媽媽好痛呀！』我說：『你成日都話痛，你係痛王黎架？』

我看到媽媽的指甲又有新顏色，我說：『媽媽，你係咪查指甲王呀？』

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

有一次，爸爸說：『細佬淨係咬津津，唔會咬爸爸媽媽，可能細佬知道家姐蝦佢呀！』我說：『細佬又有咬芳姨膊頭呀！』

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~