我們這一家: 9月 2009

2009年9月30日星期三

試做facial+中秋晚會

收到美容院的promotion，可以免費做facial，包括由醫生做的皮膚分析，再加激光、彩光或換膚其中一種療程，身為師奶的我，怎可以錯過這樣的機會呢！仲要拿拿聲報名，慌死會fully booked。

嘩，大雨到呢…個天黑到呢…個地方又偏到呢…我都頂硬上。

到了，其實都一早講好會做兩個半小時，所以我都預俾d小姐(佢話佢係姑娘)不停咁同我講野，我一打開銀包，佢地見到齊齊幅相，大叫靚仔，不停咁問我問題：『個女幾大，個仔幾大，影相果時幾大…』，跟住姑娘又同我由皮膚結構開始講起…佢話佢大我兩年，都有個仔，所以keep住做激光同埋換膚，激光可以令collegan增生，換膚可以去死皮角質層喎(磿沙唔得咩？佢話無咁全面喎)，仲打埋botox令額頭唔會有皺紋喎。

見醫生啦，姑娘一早提示我，話醫生講野比較直，小心HURT親，但係醫生竟然話我：『OK，有八十分！』『不過…(重點黎啦)，你D皮膚有點老化，你可以使好多錢令佢去到九十分，或著甚至九十五分，不過更加緊要係你要KEEP住八十分，咁你就要做激光黎KEEP住佢八十分，激光可以令collegan增生，咁毛孔會自然收細，回復彈性，去暗啞…』所以醫生決定幫我做激光。

等做激光之際，又黎姑娘同我傾計，講解一次有咩要注意，跟住…因為要等機，所以傾o左好耐…姑娘連佢老公大佢幾多年，佢老公成日都怨懷才不遇，佢係拍o左拖兩年有o左bb先結婚，佢媽媽當年都勸佢唔好嫁，佢奶奶舊年過身的事都同我講埋…仲有，佢話好羡慕我，因為我可以咁後生結婚生兩件，老公咁好，老公仲要咁高大靚仔(無錯，呢個的確係我寫呢個blog的其中一個重點)，真係唔好睇少d美容師，你開一開個銀包，佢就會知你好多野…

換黎o既係彩光師，sean，男性，佢問下我有乜想重點做之後就開始，我實在忍不住，問o左佢一個問題，因為我很奇怪彩光師是什麼專業，於是我問佢：『你讀咩科會做彩光師架呢？』然後佢話：『講你都唔信，我係standford讀engineering的！』於是大家又打開話題，話題又包括：『我係讀civil engineering但係佢以為我已經無做野、我份工都幾游閒、佢係standford讀下d skin care同埋nutrition於是入行、佢同佢女朋友拍拖八年下年結婚、佢因為聽媽媽話先遲遲唔結婚，佢話媽媽話早結婚的婚姻不好、我話佢咁聽呀媽話佢話因為世上只有媽媽好、佢問我老公聽邊個話我話聽我話、佢話醫生下個月結婚 (我咁岩之前見到醫生個女朋友，真係好靚好有氣質，最緊要係好瘦同埋皮膚好靚)，我問佢咁孝順使唔使老婆都要好孝順，佢話要、我話我以前同奶奶相處唔好(佢竟然話睇得出)，奶奶病o左至黎後悔，佢話無緊要，有心唔怕遲、最後佢話同我好好傾，希望第日有機會再傾』(咁即係叫我join plan)

又到姑娘出場，給我一杯冬瓜水(真係好服侍呢)，一邊傾：『唔，你可以一個月做一次激光療程，一次$4000』(想不到真的有$4000的facial，我同事成日講有人一個月花$3000落塊面到我都唔信)，我於是放下心頭大石，我還擔心自己會落入兩難當中，見d療程咁有用，自己又老囉，都心郁郁，但見到咁o既價錢，馬上堅定晒！因為我都捱o左兩小時，又同呢個傾又同果個傾，真係好累，又想返屋企同津津去中秋晚會，我同姑娘講我唔使再聽其他plan，因為我真係無打算join，佢見我個樣咁堅定，都放過我(我諗住佢唔放過我我就同佢講我一個月都係$4000蚊人工的)。

醫學美容，勁呀~

回到家裡，老公帶了津津去新都城玩，津津見到我超開心，攬住我，說係掛住我，又不停說話，佢同我講佢去中秋晚會的事：『小丑俾人攔住o左』我：『吓~~~~』

等老公解釋下啦

事緣老公同津津開開心心落樓去中秋晚會，半路中途，老公說漏了口，話去搵小丑拎波波，怎知津津突然停下，一言不發，老公問：『你仲乜唔行？』津津沒答話，洒洒手，然後倒頭回家，老公問：『你仲乜唔去中秋晚會？』津津依然沒答話，洒洒手，老公問：『你係唔係驚小丑呀？』津津點點頭，老公說：『唔使驚呀，小丑俾d人係果到攔住o左啦』，呢個就係津津果句話的由來啦！

唔知津津大個睇返，會唔會笑自己？不過，anyway，我都已經笑瓜了！哈哈

2009年9月28日星期一

Our Dream House

媽媽在街上看到這到這兩張漂亮的床仔，馬上想像一番，如果是津津站在疑似Balcony的上隔床，成個小公主一般，一定會很可愛，還是喜歡有滑梯那個呢，可以日滑夜滑，不過細佬是十分小心的人，他必定會倒轉身，用肚腩滑下。

媽媽真的很想很想，為你們建立一個理想的居所，是一個溫暖、快樂、充滿創意、安全的居所。不過，有爸爸媽媽愛錫你們，這就是我們的dream house，right?

2009年9月27日星期日

媽媽和我

其實已不只一次，有人說我和媽媽是餅印，媽媽認為：『何只餅印，連性格、喜好都一模一樣呢！』

粗魯、膽很小、論盡、有小聰明、喜歡講話、喜歡交朋友、對人熱情、要別人對自己好、脾氣差、容易忟憎、會暈車浪…

一樣的口味 - 我和媽媽都喜歡吃香口的食物，薯片、花生、花生醬、餅餅和西蘭花。

2009年9月26日星期六

我的志願

細佬實在喜歡玩吸塵機，他不時就會走進廚房，打開廚櫃，拿出吸塵機這樣砌，然後他會拿個吸管對著媽媽：『嘭嘭嘭！』，啊！原來細佬做了警察，吸塵機是細佬的槍，難怪每次細佬拿著它都不願停，如果你想拿開他的"槍"，你就是搶槍，可知道搶警察的槍是可等大的罪啊！

我想，細佬大概是想裝上滅聲器。

成功了！

我常常說想成為一位消防員，但某天我在砌積木，然後說這是一間屋，難怪我想重操爸爸媽媽的故業。

2009年9月25日星期五

節目多籮籮

在我們家，通常星期六是一星期中最多活動的一天。

早上，爸爸媽媽又去打羽毛球，不過這次去將軍澳場，而且是十時，我和細佬都起床了，媽媽於是想帶我和細佬一起去，於是請來estela一起帶著我們，我和細佬騎著一人一架單車，向著運動場出發。我的腳不夠長，不能以打圈方式踩，我於是發明了打水式踩法。爸爸心急幫我學好踩單車，在途中的五金鋪買個"是巴拿"幫我把座位較低了，不過我還是習慣用打水式踩法，常常要媽媽的壓力下才換過打圈方式踩。

去到運動場，怎知…工作人員說運動場內是不可以泊單車，要我們把單車泊到單車停泊處，媽媽於是使出她的師奶本色，糾纏一番，才讓媽媽放下單車去打波，後來工作人員又來了，叫媽媽都是把單車駛走，說可以找工人來做，媽媽又使出師奶本色，十分悔氣地說：『個工人睇住兩個細佬架，你唔好咁啦，我打多半個鐘o者！』又過關了。或著，我媽媽的做法是有點不守規則，也未必受所有人認同，其實媽媽只覺得，規則不外乎人情，我們又不是特意去破壞，只是不知道罷了，為什麼不可以放寬一點，要咄咄逼人呢！

順帶一提，有冷氣的場真好玩多了！

打完波，去了steak expert，order了兩個早餐，因為大家都肚餓，吃得很快很多，吃過後，爸爸想再order的時候，已經要吃午餐，真的名乎其實的bunch。

下午，我和媽媽去了會所弄冰皮月餅，想不到規則又是那麼麻煩，只限兩位，爸爸想進內陪我們和跟我們拍照都不可以。所以只到很後期才有照片。事實上全程我們也在看試範聽講解，沒有參與，一邊聽，我一邊周身郁，又不停說話：『點解佢地唔俾爸爸入黎o既？』媽媽覺得人家的小孩都在乖乖坐下，很投入，是不是我的專注力出了問題，要認真研究一下。後來我們把月餅饀包入月餅皮中和壓出花紋，對我來說，都很好玩了。

為了表示我們等了很久等到眼訓，我提意我和媽媽扮訓覺。

送一個俾fion契媽

送一個俾peggy契媽

奶奶，加油

奶奶，你今天退了燒，又對我們有反應了，真為你很感恩！

我現在才知道，原來奶奶你真的很堅強，我知道你很辛苦，不時發燒，但你仍然撐下去，我明白到，雖然我們有時面面對困難，但如果我們有健康身體，那已經很好了，一定不可以發怨言，一定要堅強面對，好像奶奶你一樣。

今天老公說，你聽到津津的名字便想拿起你的手，我真的很感動，何以一個小女孩，一個什麼都不懂，不事生產，不知天高地厚，不會花言巧語又時常捉弄你的一個小女孩，可以那麼得你的歡心，叫你夢中也想起她，叫你在病榻中也記掛她，我真的很感動。

我把你對她的愛都好好記錄下來，我希望津津長大了，知道她是何等被愛，她就會珍惜自己，不要學壞。

2009年9月23日星期三

奶奶，加油！

今天，再去了探奶奶。醫生說，奶奶現在的情況是可以好可以壞，所以大家都要有心理準備，還因此安排了我們可以在任何時間探奶奶，要把握時間。

上星期，奶奶曾經是比較清醒，我說我買了屋跟她住，她哭了，我說她要好起來，一起看著津津齊齊成長，她點點頭，但我叫她信耶穌，她卻沒有反應，奶奶一向都傾向信佛，所以她這樣的反應令我更加相信她是真的聽到我的話。

今天，有一位姊妹來看她，應該是老公細舅父教會的傳道人，跟奶奶禱告，奶奶沒有反應，像睡著了。後來傳道人離開了，我才跟奶奶說話，想不到，奶奶聽到我的聲音，她張開眼睛，須知道，奶奶的情況，要她張開眼睛應該有一定困難的，所以我很感動，也相信奶奶是仍然聽到我的話。我再跟奶奶說要信耶穌，我跟奶奶說，若果是信耶穌就握一握我的手，我真的感覺到奶奶握了我的手一下，我還跟奶奶禱告，我相信奶奶是信了主。

醫生說奶奶的離開可以時隨時發生的事，不過，這次我沒有再哭。

早前，竟然讓我看到倪震的一篇文章，說他的一位友人的媽媽被醫生說只剩下半年至一年的命，倪震問及他朋友媽媽的情況，朋友說他媽媽身體是弱了點，還在每天打麻雀，他沒有把醫生的話當一回事，他明白，或者一年後，醫生又會說是下一個半年至一年的命，然後倪震明白：『有誰的生命不是在倒數中呢？』，我也漸漸明白，奶奶的生命，也掌管在神的手中，我可以做的，是好好珍惜照顧她的時候，若天父安排了奶奶康復，我會好好的照顧她，若果要走，我也會好好照顧她和做好她想要我做的，把津津齊齊帶好。

生離死別這件事是最公平，每個人也會遇到，是早是遲，也分別不大，反而是有沒有好好把握生命的時間，我會順服神的安排，也會做好自己的本份。從來神都容許了生離死別這件事，既然是神的旨意，我們就要明白神的心意，讓我們更加珍惜自己的生命，也要珍惜別人的生命，傳福音、孝順父母、愛護子女，這些老生常談，但卻常常忘記了，是神要我明知道生命是有期限，我們才會用心去記住和做這些事。

晚上傳來電話，老公的姑媽都患了末期癌症，又有一個人生命在倒數，我們真的要好好珍惜。

2009年9月22日星期二

整燈籠

我要交功課，要爸爸媽媽和我一起弄一個燈籠出來。相比起以前，這次這個功課都算給我們充足的時間去預備，構思一早有了，爸爸問我想做怎樣的燈籠，我說：『蜜蜂，呀唔好，都係蝴蝶』不過，平日爸爸媽媽工作都已經忙，又要買工具，早兩天才真正開始做這份功課。

開始之先，我又改變主意了：『爸爸，不如做牛牛』，爸爸啋我至奇！

星期一，爸爸開始"搞"竹滅 (實在想不到動詞是什麼)，爸爸其實買來了專用的膠布，但臨時才發現不見了，唯有用白膠漿代替。

星期一完成了個skeleton，星期二繼續貼玻璃紙做個body。

大家有沒有奇怪，每次做手工都是媽媽主導，怎麼這次是爸爸呢？因為上年媽媽做了一個沙田柚燈籠給我，媽媽自覺不堪入目，連相片也沒有登一張，後來老師把所有學生的作品貼堂，唯獨媽媽那個沒有，因為會惹蟻，媽媽的心被傷透了。加上，爸爸常常自吹自擂說自己怎樣在小時候獨個兒弄一個直昇機出來，媽媽心想：『好…睇下你表演下啦…』

不過，去到這個階段，(注意，紅色那塊玻璃紙是還未被貼上的)，媽媽看見爸爸很疲倦的樣子，媽媽又見不是太難，決定幫幫手，因此，以下的製作就由媽媽接手了。

嘩，已經十一時了…

一邊貼一邊哄我，因為到了晚上，我的自制能力會變差，會開始搞這個搞那個，加上枱上有各種的工具，看少一眼都不行，令媽媽的燈籠製作陪加困難，爸爸呢？在看電視囉！

搞定了，是一個可遠觀不可褻玩的！(你看，我媽媽還洗澡換衫呢)

2009年9月21日星期一

家中近況

我不只一次向媽媽說：『甄老師叫我唔好再扮angelababy啦！』媽媽知道甄老師應該是說笑的，但不知為何如此說。後來，有一天，謎底終於解開，我跟媽媽說：：『甄老師叫我唔好再扮angelababy，笑死人啦！』(媽媽：津津說起angelababy這個字，逐個音掉出來，很搞笑！)

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

有一天，我跟媽媽乘計程車的時候，我跟媽媽說：『的士好矮呀！』媽媽說：『係呀，的士好細架！咁有咩係好大架？』媽媽心想：『津津應該會答巴士，到時我就會說：『港鐵咪仲大』』我想了一會，回答說：『港鐵』。

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

自從返了新學校，每天放學都要唱放學歌：

『再見，老師們，我們大家再相見

再見小朋友，星期x再見』

於是乎，我就有了今天/明天是星期幾的概念，媽媽隨時間我，我都不會答錯，精靈過很多大朋友呢！

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

有一次，爸爸令我很生氣，我罵他，爸爸還給我一個"交叉"，媽媽都罵爸爸了：『你係都要激津津架喎！』爸爸笑笑說：『咁真係好好玩呀麻』，我生氣地說：『"交叉"都唔係玩具，唔係用黎玩架！』

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

我本來想在blog裡寫下細佬會講爸爸了，不過早前太多東西要報導，到我找到機會告訴大家細佬講的話時，細佬已經會講：『爸爸，媽媽，家姐，thank you，bad boy，gogogo和湯湯』。

先講講爸爸，細佬其實是對媽媽很痴身，但不知怎的，他口中卻又常常提著爸爸。只要他見到媽媽不見爸爸，他就會問：『爸爸？』他見到家中的照片有爸爸，他又會指著說：『爸爸~』，不過他指過爸爸之後，便會指著其他成員邊說：『爸爸~』，媽媽說：『咁咪就係偏心囉！』

媽媽，家姐，thank you，是十分間中在加上大量引導下才會說的。

bad boy，是auntie estela教細佬的，因為每次細佬百厭了，auntie estela便會罵他"bad boy"。不過，細佬演繹的bad boy卻不是罵人口吻，是像天氣先生看到太陽然後太陽被雲蓋著發出的聲音"呀~~~~啊~~~"，"bad(大大的口)~~~~boy(圓圓的咀)~~~"，可愛極了。

gogogo和湯湯，是細佬很易學到的，全因為逛街和喝湯是細佬的"飛佛"。有一次，爸爸媽媽帶我和細佬逛街，爸爸說：『gogogo』細佬便跟著說。也是差不多的情況下，細佬學會了說湯湯。

在媽媽耳中，無論細佬講什麼，聲明都是最甜美的。