成長中的津津

我津津，已經四歲，說大又不是很大，說小又不是很小，依賴媽媽，但又不失自己的分析和思考，聽媽媽的話，但又不失自己的喜惡，對外界多一點認識，但又傻下傻下，如果說兩歲的小朋友是TROUBLE TWO，那麼四歲的應該是 LOVELY FOUR。

每天，我都會跟媽媽傾電話，我會說：『媽媽，我想同你傾一陣，如果你老板鬧你，你就收線啦！』，很體貼嗎？

有時，媽媽致電回家，剛好我在用奶樽喝東西，我說：『喂，做咩呀？(永遠都是這句開場白，但好像從沒有expect過媽媽給我答案)，er…我而家飲聽野喎，但係我唔想講你知我用咩黎飲呀！』，坦白得很可愛嗎？

有時，我真的很生細佬的氣，要媽媽教訓細佬，媽媽說：『咁一係送細佬去保良局當無生過佢囉！』我會突然平心靜氣地說：『等佢大個d先啦，佢而家仲細』，很有惻隱之心啊！

我常常告訴媽媽我學校發生的事：『媽媽，我有一個同學，佢叫xxx，佢無撘校車架，佢呢，今日…』好笑就好笑在每一天我介紹同學，我都會說明他是有沒有撘校車的，其實我好像不知道這與我要說的東西是沒有關係的？

自從戒了晚上穿尿片，我很自豪，常常對人說，連老師也知道。

有一次，我和媽媽在公園裡行過，見到有兩個菲傭坐著，媽媽問我：『津津，前面兩個係咩人黎架？』我回答：『係菲律賓人』媽媽問：『點解你會知o既？』我說：『因為佢地係黑黑地架』媽媽問：『咁點解菲律賓人唔係菲律賓o既？』我一本正經地回答說：『有d小朋友要返學，佢地爸爸要返工，媽媽又要返工，咁呢，小朋友咪會被人捉囉，所以就要有工人照顧佢地啦！』

有一次，我弄傷了自己，媽媽說我“論盡”，我說：『唔係呀，我唔小心之麻！』媽媽說：『咁咪即係“論盡”囉！“論盡”咪即係唔小心，有咩分別呀』我說：『“論盡”即係好似係蠢蠢地咁架！』

有一次，我跟媽媽說：『我有一個同學呀，佢返兩間學校架！』(媽媽：係真架，我已經不是第一次聽這樣的事，有些父母想子女上午返中文學校，下午返英文學校)，媽媽說：『嘩，咁咪好辛苦囉，你覺得係咪好辛苦呀？』我說：『但係我都返保良局同埋主日學啦！』

 

四歲人仔還開始用牙線啊！