對付齊齊

齊齊脾氣古怪，所以要安撫他，真的要跟他鬥無鬥力。不過，我媽媽有幾招對付他！

招數一、扮蠢

細佬現在可說正處於『識少少扮代表』的年紀，因此媽媽很喜歡在細佬心情不好的時候扮蠢，例如、指著個A號門牌說：『呢個係H字呀！』然後細佬會糾正媽媽。有時，媽媽為了逼真，要我加入一起扮蠢，媽媽會先給我打眼色，要我故意說錯，然後指著個 2字問：『津津，呢個咩字呀？』我說：『8』，然後細佬又可以糾正我們。媽媽說，這樣可以讓細佬沾沾自喜了。

招數二、激漲法

細佬是一個不太受軟更一定不會受硬的人，對付這種人，激漲法是一個不錯的辦法。

有一次，細佬看完又看他要看的節目，我沒有看，於是爭了起來。媽媽叫我先讓細佬看，然後在細佬跟爸爸傾計

媽媽問：『爸爸，你覺得我地全家最曳係邊個？』

爸爸說：『係齊齊』

媽媽說：『係囉，佢睇電視唔讓人架！』

齊齊於是突然提出：『好啦，到津津睇啦！』還要是面帶微笑，很樂意那種，嘩，媽媽贏晒！

招數三、禱告

有一次，媽媽不許齊齊吃糖，收了齊齊的糖之後，齊齊生氣躲在房裡，良久都沒有出來。媽媽入房一看，發現細佬滿面眼淚，原來那段時間，齊齊不停在哭呢，媽媽抱他，他竟然好像沒有知覺的樣子，媽媽安撫他，他都完全不理睬，於是媽媽決定跟細佬一起禱告，求天父幫助齊齊放下沒有糖吃那件事，求天父賜智慧讓媽媽懂得怎樣安撫細佬，不一會，細佬心情真的好了一點，又對著電視指三道四，感謝天父呀！

 

細佬在展示他跌傷了的膝蓋。