看急症

今天晚上，我咳咳咳，不停咳咳咳，咳到嘔了…我很辛苦，叫著說：『我抖唔到氣呀，媽媽快d救我…』嘩，嚇到媽媽不知幾驚，好在後來我安定下來，發現其實我是能呼吸的，不過為安全起見，媽媽還是帶了我去看急症，我起初很驚，以為要入院，又以為要打針，媽媽給我解釋了，我放心下來跟媽媽去看。

 

唉…我們家附近的醫院真是…

在登記處，媽媽已經見到一個爸爸抱著睡著的小妹妹問：『姑娘，我等o左成個鐘啦』登記處姑娘回答說：『你再等等先…』

媽媽心知不妙…

 

媽媽在分流站，見到一個面露痛楚的男人問：『姑娘，請問要等幾耐？』

分流站姑娘回答說：『我而家答唔到你，你等我做完野先！』

 

分流站姑娘給我夾過手指，給媽媽解釋：『血氧量正常』

媽媽問：『血氧量係咩意思呀？』

姑娘(不奈煩)說：『即係血裡面o既氧氣含量！』

媽媽心想：『使你講咩？咁即咩意思先得架！』但口裡問：『咁代表身體邊方面無問題呀？』

姑娘說：『即係無缺氧，氣喘問題！』

媽媽心想：『一早應該講啦！』

 

媽媽聽到廣播，叫我們去到急症室，但媽媽只見到張床，不見醫生，四處找人問問，有姑娘說：『你等等啦！』

媽媽心想：『咁叫我黎做乜呀？不如係出面繼續等』

不一會，一個睡眼惺忪的醫生走來，抓著頭，打著呵欠，幫我聽聽心肺，看看喉嚨耳子和鼻腔，然後走了，坐著寫藥單，媽媽看看我，見我的眼四周有紅點，於是問正在寫藥單的醫生問：『佢眼周圍有紅點喎？』

醫生說：『佢捽眼捽到微絲血管爆咗啫！』

媽媽問：『但係好平均分佈係眼四周架喎？』

醫生(不奈煩)說：『咁佢捽眼，咪捽到微絲血管爆咗囉，小姐！』

媽媽心想：『我帶個女黎睇醫生，好明顯我已經唔係小姐』

到我們走了，才見到起初被抱著睡著的小女孩可以看醫生了！

 

其實當中還有很多，聽不清楚的廣播，看不到指示的護士站，媽媽覺得，自己也算是精靈，今天也算是精神，如果遇著是老人家，或著病到傻呼呼的，怎能夠得到適時的照顧呢？我知道，在公立醫院工作是很辛苦，但也體諒一下病人的心情吧，橫豎也要看那麼多病人，做那麼多的事，何不花一點唇舌把話講得清楚一點，然後又把悔氣的說話減少一點呢！

 

等…

 

其實我都幾精神的

 

 

媽媽：津津，你記住，媽媽真的試過半夜揹著你去看醫生，就是因為一句：『媽媽，救我！』