我在醫院裡的15天-day6 入手術室

今天再入手術室，昨天我問媽媽：『媽媽，點解我要做手術呀？』

媽媽輕鬆地說：『做手術幾好呀！醫生俾d藥藥令你訓覺，你咪唔痛囉，醫生見你細個仔咪俾你唔使痛痛，姨姨都無咁o既優待呀！』

bonnie姨姨和議著：『咪係囉！』

我偏著咀說：『但係你陪唔到我』

媽媽說：『淨係打針果下陪唔到你架渣，跟住之後都陪住你，你唔見你訓醒一擘大眼就見到我咩？』

我問：『點解打針果下唔俾你陪我，係咪驚你又頭暈呀？』

媽媽說：『咪係囉！』

昨晚，媽媽很累，很早睡著了，今天早上bonnie姨姨對媽媽說：『你個女真係好懂性，你訓著咗，佢成晚摸住你，又摸你臉，又摸你頭髮』，教媽媽很感動，原來媽媽在我身邊真的很重要的！

為了我，媽媽決定要堅強，結果，今天我入手術室時媽媽和我都沒有哭，相反，我們唱起歌來，唱詩歌、世上只有、兒歌…後來，返了病房，姑娘跟媽媽說：『原來你歌喉都唔錯架喎！』

原來，只要對神有信心，便可以勇敢面對困難，還可以見證神。

 

媽媽對我的支持很重要！