兩位心肝

津津，很乖，齊齊，也很乖！

兩個孩子，一個是心肝寶貝，一個是心肝命腚！我是這樣告訴津津的！

津津出事前很愛媽媽，很貼心，津津出事後更愛媽，貼心之餘，多了一分體諒，不過…對細佬…依然…很吃醋

媽媽跟細佬玩得開心，津津就會不開心，有一次細佬跌倒了，津津第一時間竟然是拉著我的手不讓我扶細佬，津津說：『媽媽是屬於我的，sa姐姐才是屬於細佬的！』媽媽說：『細佬好得意！』津津說：『我唔得意咩？』媽媽說：『你大個女，係靚啦，細佬細個，咪得意囉！』津津說：『我要又靚又得意！』又有一次，細佬在家中 “鄧”到屁股，媽媽哈哈大笑，想不到，連這樣津津也吃醋：『我今日都蹱到個頭，你都唔知道！』

我跟津津說：『細佬係一塊鏡，你都佢好，佢就會對你好，好似初初sa姐姐黎第一晚，細佬說：我唔要呢隻auntie，但係sa姐姐對佢好，而家好錫sa姐姐。』怎麼說呢，其實我明白津津的感受，所以我不會怪她，津津已經很叻女了，叻女得太緊要，什麼脾氣扭計都沒有才得人驚，所以我會很有耐性，很有耐性，很有耐性地向津津解釋，我也很有信心，細佬和津津一定會很friend，他日能成為相親相愛，互相扶持的兩姊弟！

『朋 友 乃 時 常 親 愛 ． 弟 兄 為 患 難 而 生 。』箴言17:17