家中趣事集

差不多每天，我和細佬都製造笑話，媽媽想盡辦法記下來，記得一些，不記得一些，盡力而為吧！

齊齊說：『花師奶成日唱維他奶歌架？』
媽媽問：『點唱架？』
齊齊說：『熱維他、熱維他 (別怪他、別怪他)…』
~~~~~~~~~~~~~~~~~~~~~~~~~~~~~~~~~~~~~~~~~~

我說：『媽媽，點解你咁無記性o既？』
媽媽說：『d記性俾晒你！』
我說：『咁我俾返d你！』
媽媽說：『你要將我塞入你個肚到先得喎』
~~~~~~~~~~~~~~~~~~~~~~~~~~~~~~~~~~~~~~~

有一天，齊齊玩電腦不願睡覺，媽媽告訴細佬如果電腦過熱，電腦就會經過條電線傳訊息去警局果到，俾警察知呢到有小朋友未訓架啦，齊齊便馬上入房訓，然後又走到電腦前，拔掉電線，再入房。
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

媽媽問齊齊：『點解你食極都係咁瘦o既？』
齊齊回答：『因為我矮呀麻，咁我食多d咪會高囉，如果我好高呢，我食多d咪會肥囉！』
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

跟齊齊去廸士尼，等看煙花時，齊齊遇上同學仔，齊齊說：『我地一陣睇醫生…呀唔係…睇煙花呀！』
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
 

齊齊：「媽媽，我地樓下間銀行叫咩？」
我：「恆生銀行」
齊齊：「咩話？咸濕銀行？！」

天氣報告：「紅色暴雨警告正式懸掛」
津津：「咩話？咸濕暴雨？！」
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

某日，齊齊看到一個化妝品廣告，說：「我要儲錢買呢個送俾媽媽！」爸爸轉述給媽媽知道，媽媽超級窩心。過了兩天，媽媽問齊齊：『你係咪話買化妝品俾媽媽呀，點解o既？』齊齊說：『因為我未夠錢呀麻！』可見，齊齊不是在說 『我鐘意你呀麻』等逗人喜歡的說話，令媽媽更更更窩心！
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

有一日，電視重播造勢大會裡的CY,齊齊見到他心口的襟章，説：「齊心，佢個名叫齊心」津津說：「唔係呀，佢係梁振英呀，唔通唐英年個名係講得出做得到咩？」
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

津津告訴媽媽，齊齊第一次上英文補習班，齊齊問老師：「你識唔識講中文架？你係咪人黎架？」

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

津津看電視，看到某角色飲毒酒那一幕，津津說：『其實佢飲果d係水黎架，然後有查d茄汁落個咀角到，你睇下，佢跌低果時俾就住就住架！』
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

有一天，齊齊在電視看見掛著『齊心』襟章的梁x英，齊齊說：『齊心，佢個名叫齊心』津津說：『唔係呀，佢個名叫梁振英，唔通…唔通唐英年叫講得出做得到咩！』嘩，想不到津津已經知道又記得那麼多東西了！
~~~~~~~~~~~~~~~~~~~~~~~~~

講住咁多先！