週末狂熱之美女廚房

嘩，乜又有咁難做o既功課架！

唔該媽媽幫我收搜隻資料

又整o左個咁靚o既什果蛋糕模型，媽媽真係好俾心機做架。

不過我唔係好識得欣賞，話係帽帽。

一家人合力做埋設計食譜先。

媽媽決定整石頭蛋糕，等我先介紹材料，有媽媽預先砌好的牛油粒、砂糖、自發粉、牛奶。

用篩篩一篩麵粉先。

加入牛油，搓成麵糰。

到我出場啦，我倒入砂糖。

再酌量倒入牛奶。

到返媽媽幫我搞均。

分成四份。

完成

等我拎入廚房俾爸爸焗熱。

爸爸話不如加幾粒m&m做點綴。

完成了，細佬好似最有興趣咁喎。

賣相麻麻地啦，爸爸話好似俾人咬過咁

連我都有點猶豫

媽媽話，一家人緊係要一齊試食

細佬食到津津有味喎

我呢，食晒d m&m又俾返媽媽。

其實d石頭蛋糕真係…真係好好味架，下一次可以再整，可以加提子乾、朱古力。