津津的話

媽媽問我：『津津，你知唔知朱老師就黎結婚啦？』我說：『陳老師都結o左婚啦！』我再問：『咁劉老師結o左婚未呀？』媽媽說：『佢結o左啦，仲有小朋友架啦！』我問：『咁朱老師有無小朋友架？』媽媽說：『無！佢都未結婚！』

吃過晚飯，媽媽帶我去大舅父家，行到半路，媽媽問我：『你知唔知我地去緊邊到？』我說：『去舅父屋企』媽媽再問：『咁舅父屋企仲有邊個？』我說：『有舅母』媽媽問：『仲有呢？』，我說：『有斯朗』，媽媽再問：『仲有呢？』我說：『果個我唔知叫咩名呀！』媽媽說：『係anna姐姐呀！』我問媽媽：『咁同唔同diana架？』

我和細佬約了表弟斯朗和表弟的表哥一起逛街，斯朗跑得很快，叫極也叫不停，我問舅母：『舅母，斯朗…佢…佢…佢係咪無耳仔架？』

晚上，我跟媽媽刷牙的時候，媽媽把自己的漱口杯載得滿滿，我的漱口杯只載了一半，我說：『媽媽…點解…你…你…滿水，媽媽，點解你滿水我唔滿水？』媽媽說：『你你你，你咩呀？你講咩呀？』我很認真又流利地說：『點解你滿水我唔滿水？』媽媽仍然玩我：『咩話？你五歲？』我很認真又流利地說：『點解我得咁少水？』