枕邊細語

我很喜歡，在睡覺前跟媽媽對話，媽媽會講講我細個的事，有一次，我跟媽媽說：『你講過俾我地果d野我都會好記得，好似你講我細個見到爸爸跌親就笑，見到你跌親就喊，我全部好記得！』(媽媽聽了很感動)。有時，我會講講我學校裡發生的事，有一次，媽媽心情很不好，但一聽我講學校模仿年宵市場的事就生猛起來。有時，我們也會講講將來的事！

 

津津說：『媽媽，你第時要睇我結婚睇我生仔！』
媽媽說：『我考慮下』
津津說：『我到時會扮到好靚架，你唔黎就無得睇架啦！』
媽媽說：『車~唔睇咪唔睇囉』
津津說：『你要考慮咩呀？』
媽媽說：『睇下你有冇請我』
津津說：『我緊係會請你啦』
媽媽說：『睇下你到時錫唔錫我啦』
津津說：『我緊係會錫你啦』
媽媽說：『睇下你到時個老公錫唔錫我啦』
津津說：『我會教佢錫你架啦』
媽媽說：『睇下你到時會唔會幫我扮靚』
津津說：『嗱，我到時會帶你入新娘房，你唔使怕醜架，間房得我同我老公同埋你架渣』
媽媽說：『睇下你到時會唔會安排媽媽表演』
津津說：『咁呢個你要同伴娘傾傾喎，我話唔到事架，睇下到時安唔安排到』
媽媽說：『津津，你知唔知媽媽想表演乜野呀？』
津津說：『乜野呀』
媽媽說：『媽媽想表演數白欖，即係 (有節拍地)，有個細忟女，細細個就想嫁人…』
全家大笑！

 

津津：『媽媽，第時我結婚，會問下你先架！』

媽媽：『但係到時我一定會勸你男朋友唔好娶你喎！』

津津：『點解呀？』

媽媽：『因為你好粗魯，唔似女仔！』

津津：『(輕挑地)我到時就唔會咁架啦！』

媽媽：『三歲定八十呀，你到時都會係咁粗魯架！』

津津：『到時你就唔記得架啦！』

媽媽：『好呀，睇下點！』

津津：『(無奈地)好啦好啦，我聽日會乖架啦！』

為咗嫁得出，津津從此要乖d啦！