你們的話

津津問：『如果你有好多錢，你會自己用定係分俾窮人！』
我回答：『分俾窮人！』
津津說：『我都係，因為自己用得我一個人開心，分俾窮人就有好多人開心！』

津津說：『我就黎高過你，我諗到我十歲就會高過你！』
我漫不經意地回應：『嗯』
津興高采烈地：『我想快d到十歲呀！』
我緊張地回應：『唔好呀，我細細個又係好快想到十歲，但係一到咗十歲，就好快到二十歲，好快又到三十歲』

考英文那天，我接津津放學，在車程中，津津望向街上的同學仔，
我問津津：『今日識唔識呀？』
津津：『唔係全部都識囉！』
我：『有咩唔識呀？』
津指著街上的同學仔：『呢個呢個同呢個，都唔識！』哦，原來你講緊同學仔，嚇得我，原來，我都幾緊張津津的成績呢！

齊齊從上格床樓梯跣腳"鄧"在地上，我不在場，不過sa後來告訴我，他很驚訝地說：『好無死到呀，好彩咋！』
第二日，我致電回家跟齊齊傾開這件事
我：『齊齊，點解你無死o既？』
齊：『唔知呀！』
我：『點解你咁論盡o既？』
齊：『我無論盡呀！』
我：『你跣腳喎！』
齊：『我對腳論盡之麻！』